ఆసక్తిని, అంచనాలను పెంచే కాంబినేషన్లు కొన్ని ఉంటాయి. అలాంటి కలయికే.. పవన్‌కళ్యాణ్, వి.వి.వినాయక్. హీరోల్లో పవన్‌కళ్యాణ్‌ది, దర్శకుల్లో వినాయక్‌ది జనరంజకమైన శైలి అని ప్రత్యేకంగా చెప్పనవసరం లేదు. ఉత్సాహాన్ని, ఉల్లాసాన్ని కలిగించే పాత్రలతో యువతరం రోల్‌మోడల్‌గా నిలిచి.. పవర్‌స్టార్‌గా ఎదిగారు పవన్‌కళ్యాణ్.అలాగే మాస్ ప్రేక్షకులను మెస్మరైజ్ చేస్తూ సినిమాలు రూపొందించి.. సంచలన దర్శకునిగా నిలిచారు వినాయక్. వీరిద్దరి కాంబినేషన్‌లో సినిమా అంటే అంచనాలు అంబరాన్ని తాకుతాయనడంలో సందేహమే లేదు. ఈ అపూర్వ కలయికకు నిర్మాత డి.వి.వి.దానయ్య శ్రీకారం చుట్టారు. త్వరలో వీరిద్దరి కలయికలో ఆయన ఓ సంచలన చిత్రాన్ని నిర్మించనున్నట్లు తెలిసింది.
మరో విశేషం ఏంటంటే.. ఇందులో పవన్‌కళ్యాణ్‌కు జోడీగా �ఏంమాయ చేసావె� ఫేం సమంత నటించనున్నట్లు సమాచారం. ఇప్పటి వరకూ చేసిన పాత్రలకు పూర్తి భిన్నమైన పాత్రను ఇందులో పవర్‌స్టార్ చేయనున్నారని, బద్రి, ఖుషి, జల్సా తరహాలో సరదాగా సాగిపోయే కథాంశమిదని, ఫిబ్రవరి లేదా మార్చిలో ఈ చిత్రం షూటింగ్ ప్రారంభమవుతుందని తెలిసింది. మిగిలిన వివరాలు ఇంకా తెలియవలసి ఉంది.
No comments:
Post a Comment